一哥楊貫一話今年鮑魚市況很嚴峻，西環海味街的老字號非常同意，同時更話：「其次狂加價嘅就係花膠！」海生行幾十年老夥計張叔話，花膠呢兩年貴足一倍有多，「花膠多數係巴基斯坦嚟嘅，呢兩年來貨少咗四分三，以前三、四百蚊一斤，好靚嘅都唔使一千蚊斤，𠵱家郁吓都成千蚊斤，最貴要成幾千蚊斤，貴得好厲害！」張叔推介巴基斯坦花膠外，還可以試試巴西的扎膠公，「質素雖然冇咁好，但都幾厚身。」而「鴨泡筒」亦是中價之選，8頭約$650/斤，抵食。
遼參亦因為不停被人採集，數量越來越少，今年漲價二成，「要食靚參仍然係日本關東出品，3、4千元一斤好合理！」
大昌的關東遼參，約$4,680/斤，質素極佳。
查詢：
海生行25486393
大昌食品專門店22168068