熊黛林和陳逸璇昨日在尖沙嘴戴着周大福旗下ctf.2珠寶，介紹健康食品。問熊黛林情人節可想收到郭富城演唱會門票？她說：「想呀，同埋想收花，我以前喺上海收過一次神秘人送嘅99支花，不過最後都唔知係邊個送，希望今年多過99支啦。」
陳逸璇嘆單身
談到內地雪災嚴重，日內返南京度歲的熊黛林表示不擔心，她說：「我過幾日就走，南京之前已經落咗大雪，同埋我喺香港坐飛機，去到有私家車接，唔怕。不過睇新聞見到啲民工，好可憐。」
陳逸璇在台上行騷時，透出內裏的白色打底bra，她對此表示當時裝，不會介意。至於情人節怎度過？她說：「幾無奈，我哋呢啲單身嘅好慘，舊年就要同助手一齊去食情侶套餐。」
採訪：梁錦雯
攝影：陳順楨