男歌手「老鼠」早前被爆為冧女而怒炒助手「家姐」，其實家姐份人好鬼忠心，佢本身係老鼠嘅超級fans，所以平時照顧老鼠體貼入微，日久相處，家姐對老鼠真係萌生咗好感，甚至乎有啲愛意存在，所以做啲嘢有時係會超出咗藝人保母的職份。
呷醋冇面畀
老鼠好鍾意媾女，家姐睇到個心好唔舒服，成日梗住梗住。正所謂物以類聚，老鼠群埋班朋友都係鍾意媾女，關仁聽講有一次，家姐陪老鼠做嘢，聽到佢同朋友大談媾女經，家姐唔單止黑晒面，成個打爛醋埕咁款，佢仲將個手提袋掟落老鼠腳側邊，嚇到老鼠班friend都呆咗，認真唔畀面，老鼠當然心知不妙，知道個助手點解有呢啲行為，所以一有機會，當然係炒咗佢，以免再惹麻煩。
Textby關仁
