由韓星朴志胤同周真摹演出嘅古裝片《飛天舞》，前晚終於喺韓國SBS電視台首播。齣劇因版權問題擺咗倉底近四年，好彩前晚連播第一、二集收視分別有12.8%同14.3%，以周五韓劇收視成績算唔錯。有觀眾話呢部喺中國拍攝嘅《飛》劇，好有80年代中國武俠劇嘅影子，但觀眾就睇唔慣為內地演員配上字幕。觀眾以30幾歲女性層面最多，電視台仲睇好收視會繼續上升喎。