早幾日睇到一則關於「貓有九條命」嘅新聞，令藍鑽石諗起兒時往事。好記得細個住舊區唐樓，10個人住埋一間屋，最佳娛樂係同屋企隻貓玩。當時屋企老鼠絕迹唔在講，隻貓跳上食飯枱係等閒事，仲試過喺幾層樓跌落街都無事（冇誇張），你話佢哋有九條命，我信㗎；到佢臨終時識自己匿埋一角，好靜咁去。養過咁嘅好貓，一世難忘。
藍鑽石冇養貓好耐，但知家陣好多貓都嬌生慣養（例如同事J養嗰隻貓肥得交關），𠵱家啲貓好難再有九條命囉。今晚新特蘭呢隻「黑貓」作客紅軍，一樣冇命。
近5場往績：贏輸輸贏輸
讓球主客和：利物浦勝[-1]
心得：紅軍冇衰咁多劑啩
藍鑽石
忙於為與簡拿華路同日生的囡囡換片、掃風，但睇意甲，一場都不能少。