小弟一向怕凍，早幾日放假，大部份時間寧願留喺屋企，棉胎包到實睇電視好過；睇到國內民工搭唔到火車，被迫露宿各車站外飢寒交迫。原本天有不測之風雲，大風雪令鐵路延誤，好難避免，可惜中國人又發揮「搵陰質錢」本色，火車站附近商店立即坐地起價，廿蚊支水，三十蚊個飯盒，民工離鄉別井打工，都想同家人開心過年，結果成為奸商獵物。
利物浦嗰兩位美國老闆，點睇都似奸商，搞到紅軍職球員人心惶惶；不過上次輸畀韋咸，係有啲唔抵，紅軍又好少連續兩場失威，今次要大炒番新特蘭補數。
近5場往績：贏輸贏輸輸
讓球主客和：利物浦勝[-1]
心得：紅軍少連續兩仗失威
牽牛
施丹退休，頓感失落，期待阿仙奴的法比加斯他朝有此神乎奇技。