主動索電話 打通𤓓到爆<br>江若琳遭靚仔Sir大整蠱

主動索電話 打通𤓓到爆
江若琳遭靚仔Sir大整蠱

現年20歲的江若琳,在電影《愛鬥大》中扮演愛認叻的女生,演得維肖維妙,原來是翻版自她的中學生活,她自爆當年跟同學打賭輸了,要向靚仔代課阿Sir索取電話,當她沾沾自喜,以為「得手」之際,才知遭阿Sir大整蠱。

江若琳和文詠珊(Janice)在電影《愛鬥大》中鬥個你死我活,二人同樣青春無敵,吸引無數少男影迷。江若琳出身小康之家,媽媽是教師,自幼對她的管教非常嚴格,當日聽到女兒要加入娛樂圈,江母100個反對,幾經親友遊說,及江若琳苦苦哀求,江媽媽才首肯,但除了開工之外,她依然要遵守家規做灰姑娘,12點前便要返家。

女同學鬥認叻

問到江若琳中學時可有與同學玩鬥大認叻遊戲?她說:「有㗎,我記得中學有個靚仔代課老師嚟代堂,佢好受女同學歡迎,有同學同我輸賭,邊個輸咗要去問阿Sir攞聯絡電話,結果我輸咗,咪硬住頭皮去問阿Sir囉!」江若琳出馬順利取得電話號碼嗎?她說:「阿Sir好大方,我一問佢就畀我。」一班懷春少女取得靚仔阿Sir電話,當然會心癢癢試打,江若琳說:「試打之後,原來個冧巴係茶餐廳電話,幾搞笑,我哋俾人大整蠱,不過事後想搵番阿Sir,佢代完課冇再嚟學校。」

媽咪湯水支持

去年在樂壇的成績不俗的江若琳,憑着甜美外貌和聲線,火速成為少男殺手,她對自己的成績甚為滿意,並承諾會繼續努力,她說:「我真係好多謝公司媽咪林太(林小明太太)嘅栽培,同埋媽咪嘅湯水支持,未來我依然會向音樂同電影雙線發展,我會努力啲,希望3年後有機會踏上紅館舞台開騷。」
採訪:比華利
攝影:陳俊強
髮型:JamesLeeofHair
化妝:諺瞳小白ofPicturesqueGate
服裝:OZOC
場地:香港廸士尼樂園

在電影《愛鬥大》中江若琳(左二)扮演愛認叻的女生,與同學鬥個你死我活。 劇照