○七年標尾會做十二月盟主，○八年首月即做燈神，我唔想重提上個禮拜全中西甲、西盃六場嘅亞洲盤，兼中四口波膽嘅威水史，西班牙波中到冇用，其他聯賽斷纜冇計。學蘋果波神話齋檢討得失，二月份策略有需要改一改。
畢傑一向幾欣賞愛廸生，不過係着衫同搞生意方面，佢着緊嘅日牌我都有用開；呢位靚仔畀我嘅感覺係：佢係好不經意、有啲求其配搭就有味道，唔似唱「我但願他珍惜妳……」嗰位咁，以為一大堆日牌擺晒上身就好睇，畢傑最唔buy！喺香港我只會認同愛廸生同Shawn嘅時裝品味。但係最近娛圈咁大單嘢，對佢有啲扣分。
踢波都係一樣，唔係招攬晒所有名牌球星入隊就掂；韋斯咸身上名牌唔多，有件過氣嘅頂級牌子龍格保𢭃住，再加近年新進品牌麥克盧保，呢類時裝品味最合我心水。
近5場往績：贏輸贏輸走
讓球：韋斯咸（平）
心得：周五早飛王解釋晒
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。