呢個年頭，南極都有得你去，有心有錢有時間，去英國睇波已經唔係咩遙不可及嘅事。舊年去睇熱刺，喺倫敦機場出關嗰陣，個肥關員循例問幾句，對答如下：
「嚟英國做乜？留低幾多日？」
「睇波！個零禮拜！」
「睇咩波？」
「熱刺囉！」
「倫敦冇人鍾意熱刺㗎喎！」肥關員突然好嚴肅。
「吓？倫敦北部有好多熱刺球迷㗎喎！」
「倫敦只有韋斯咸球迷，因為我就係！」原來唔係肥關員，係貪玩肥關員！睇住佢又突然笑笑口，兩邊面珠肉郁下郁下，好滑稽。
韋斯咸今晚唔喺倫敦比賽，作客鬥韋根，對唔住嘞肥關員，呢場我捧主隊。
近5場往績：輸輸輸輸贏
讓球：韋根（平）
心得：韋根主場值博率高
華度
賭波贏到一場，贏到一日，贏到一個禮拜，贏唔到一世，幫到你嘅就係咁多。