許志安被發現有新歡,女方是現年27歲、曾任職模特兒的余德琳。安仔的前女友鄭秀文(Sammi)表示祝福兩人,並叫安仔不用理會別人的看法,因為生命是自己的,只要覺得這段關係可以讓他幸福,便應勇往直前。
鄭秀文和任賢齊前晚在北角一間商業大廈拍攝電影《查之女》,Sammi在戲中飾演一位非常恨嫁的督察,任賢齊則客串做舞男,Sammi接受記者訪問時笑說:「我冇諗過隻鴨係佢,呢隻鴨我好滿意。」
提到前男友許志安有一位比他年輕14年、現時27歲的新歡余德琳(Michelle),Sammi說:「唔知喎,乜都關我事㗎!我當然會祝福佢啦,其實我好想講,安仔唔需要理人點睇,生命係自己嘅,只要自己覺得呢段關係可以得到幸福,就應該勇往直前。」
「我哋冇復合」
Sammi續說:「雖然佢(安仔)冇講係真定假,但我自己嘅立場係好清晰嘅。」至於傳兩人復合,她說:「大家諗多咗,我上次都講過,我哋冇復合,總之我祝福佢。」問可考慮找一個年輕的男友,她說:「唔知㗎!世事如棋,或者我搵個好老嘅呢?總之上帝安排畀我嘅就係rightperson。」
再拍戲怕重擔
Sammi表示之前拍《長恨歌》一點不輕鬆,今次拍頭3日也盡量令自己投入,問是否戲癮大發,她說:「我只係期待好劇本,呢套戲最吸引我嘅係有完整嘅劇本,角色分散,唔使集中喺我一個人身上,我咁耐冇拍戲,唔想有太重負擔。」講到拍檔陳奕迅,她指對方比起前幾年穩重很多。
任賢齊表示戲中跳舞的戲份對他來說有難度,並指演員經常要抽離角色,他透露自己曾試過扮演大賊,經常要眼神兇狠,見到fans都不經意用兇狠的眼神看着對方。新年他將到拉斯維加斯工作,問可會帶老婆Tina去,已為人父的他竟仍用女友來稱呼Tina,還說:「留番少少想像空間吖嘛!」
採訪:卓寶花
攝影:陳志嵐