方中信噚日喺北京返港，對於早前有雜誌話佢對於就快做老竇，表現得一啲都唔開心，但噚日就強調自己好開心，只係大家唔信佢。另外，早前有雜誌影到佢喺北京拍戲時，搭上女演員孔維，方中信好抵死話搵都搵個企理啲，佢仲透露今次返港會同女友莫可欣傾吓結婚嘅事，又話舊年已經送咗一隻二十幾萬嘅結婚戒指畀女友。