下個禮拜又過年，但我一向對中西節日冇乜感覺，農曆年喺我心目中嘅排名更低。因為細個時，年初一到初三，甚少娛樂場所營業，又冇報紙睇，仲要去姨媽姑姐屋企拜年，悶！到大個咗去拜年，未結婚嘅俾人問幾時結婚，結咗婚嘅又被追問幾時生仔，都幾冇point。另外，賀年食品好似角仔及煎堆等，我全部都唔食……就算有利是𢭃都係咁話。
發咗牢騷咁耐，講番今次推介，就係連續第3次捧海倫芬，捧佢哋主勝維廸斯。之前兩次推海倫芬都得手，加上班波「弗」，梗係要追！
近5場往績：贏贏輸輸走
主客和：海倫芬勝
心得：海倫芬勢勁咪拗頸
吾中
買嘢講名牌，但賭波一定唔會做名牌奴隸嘅大聯盟女神。