全城對疑似陳冠希（Edison）、鍾欣桐（阿嬌）、陳文媛（BoBo）及張栢芝的淫照風波議論紛紛，BoBo好友何韻詩昨日謂十分擔心她，並透露曾以短訊慰問她；Edison旗下藝人農夫力撐老闆，兼謂不想看那些照片，只想睇相；李璨琛表示致電找不到好友Edison，但相信照片屬偽造；鄭秀文則認為無論照片是真是偽，當事人只要是清白的就不用害怕。
採訪、攝影：李全
何韻詩將心比己
陳文媛好友何韻詩，昨日在北角出席活動時她說：「我睇到好嬲，藝人嘅行為檢唔檢點我就唔會評論，作為市民唔應該議論紛紛，大家應該將心比己，我都有send短訊畀BoBo，好擔心佢，作為朋友我只可以支持佢，等佢度過難關，希望佢可以勇敢面對，總之成件事我會關心幾個女仔，佢哋傷害大好多。」
李璨琛急尋好友
Edison好友李璨琛昨說：「過份，我相信啲相係假嘅，同乜嘢朋友都唔會玩呢啲啦。」又謂曾致電Edison，但找不到人。
鄭秀文呼籲面對
鄭秀文說：「啲女仔好慘，不過如果係清白嘅就唔需要怕，我自己嘅相一路都keep喺助手度。」問Sammi可曾拍過親熱照，她說：「點為之親密先？攬攬錫錫我都絕對唔會拍。無論真偽都好，面對咯！畀少少時間佢哋。」
農夫唔願睇相
Edison公司旗下歌手農夫昨日在天水圍出席公開活動時故意避談事件，C君表示從雜誌得知Edison已離港，他說：「我個心入邊好關心佢。」至於淫照真偽，C君笑說：「乜嘢相呀？我哋太忙啦，連瞓都冇時間仲睇相？我反而想睇個相先。」
何鴻燊乜都睇過
賭王何鴻燊昨晚在中環出席公開活動，被問到有否看過網上流傳疑似陳冠希與女星的淫照，他眉開眼笑地說：「濕濕碎啦，呢啲唔使睇，睇慣晒！𠵱家科學昌明，遠一遠都影到，女士們要小心喇！我都八張幾嘢，乜都睇過晒啦！」
何超儀最緊要靚
何超儀昨日在九龍灣出席公開活動時說：「發放相嘅疑犯好可惡，法律應該要制裁佢，我有send短訊慰問Edison，我唔認為呢件事係真，如果我俾人整，希望整得我靚啲，對腳瘦啲，我唔擔心佢，佢百毒不侵，可以處理到件事。」
