曾與陳冠希傳緋聞又為他拍過性感照的混血女模AmandaStrang，昨日在中環出席Gucci活動時，大方談及近日的淫照風波，她說：「我唔擔心，我很容易傳緋聞，總之確定自己小心就OK囉！」問她有否到過Edison家時，她說：「冇，（傳緋聞）嗰時我已經有男朋友，我哋有拍過戲，冇拍過拖。」曾否有過性關係？她毫不忸怩地說：「冇呀！」
問Amanda會否擔心遭淫照事件波及？她說：「唔知囉，我唔知情況係點，Ifeelsorryandbad！希望件事快啲過去，其實可能香港人保守啲，覺得係大件事，喺外國唔會咁緊要囉。」但她表示沒看過相關照片，不知事情有多嚴重，只是覺得相片被公開流傳對雙方都不好，她說：「It'swrong！大家有自己嘅生活，唔可以公開囉。」
問Amanda可擔心有涉及她的照片出現，她說：「我唔知點反應，如果我有影過我會認，𠵱家我係冇囉！我唔會影，呢個係個人選擇。」有傳阿嬌為此自殺，她即勉勵對方說：「希望佢堅強啲啦！」
採訪：羅慧敏
攝影：陳順楨