近日網上流傳疑似陳冠希（Edison）與幾位緋聞女友鍾欣桐（阿嬌）、陳文媛（BoBo）及張栢芝的淫照，鬧得滿城風雨，因有傳淫照陸續有來，令Edison眾多緋聞女友人人自危，曾與他傳緋聞的鄧麗欣（Stephy）未知是否受傳聞困擾，前晚與方力申拍攝電影海報時明顯面容憔悴，憂心忡忡。而曾與阿嬌傳緋聞的方力申，則力斥拍攝淫照的人不論心理和心態都大有問題。
方力申、鄧麗欣和楊愛瑾（Miki）等前晚在柴灣為電影《我的最愛》拍攝海報，Stephy和小方到場後不但看來十分憔悴，憂心忡忡，而且Stephy更全程「鼓埋泡腮」兼數度黑面，就算面對鏡頭影相也只是強顏歡笑，一副悶悶不樂的模樣。
近日疑似陳冠希與鍾欣桐、陳文媛和張栢芝的淫照鬧得滿城風雨，由於Stephy曾與Edison傳緋聞，更盛傳淫照名單上她也榜上有名；至於小方則先後與阿嬌和Stephy傳拍拖，不禁令人懷疑Stephy和小方是因近日淫照風波而備受困擾。
唔敢睇相
「睇咗都唔會開心」
小方曾先後與阿嬌及Stephy傳緋聞，問他有否致電慰問阿嬌時，他先是拒絕透露，其後提到阿嬌的自殺傳聞，小方即說：「傳啫！」有否看過相關淫照？他說：「太忙，拍戲拍咗30幾個鐘頭，但有睇報紙，我唔睇亦唔想睇，睇新聞已經夠，無論張相係點，睇咗都唔會開心，寧願唔睇好啲。呢件事好嚴重，係好大件事，作為藝人一分子，娛樂圈好關注，希望佢（阿嬌）唔會受呢啲影響，希望無論佢定任何人，件事都唔好影響佢哋。」
問到受淫照事件牽連的Stephy有沒有向他傾吐心事時，小方說：「冇傾，我哋日夕相對，睇佢心情冇影響，都係咁開心，應該唔會影響到佢。」問小方拍過最親密的照片去到那個程度？他表示只是錫面。拍拖期間會否拍下影片？小方說：「冇，身為藝人更加唔會，反而覺得所有人都唔應該畀對方咁做，應該男女公平公正啲咁講，大家都唔好咁影，結婚都冇話一生一世，更何況拍拖？唔使一定拍親密照，我就一定唔會影，就算對方要求都唔會。」可擔心拒絕會被指不夠愛對方？小方說：「如果係咁堅持就太過份，心態上有問題，會做呢啲嘢係有問題，喺心理上。」
另一方面，記者問Stephy為何悶悶不樂，是否因被傳有疑似她的淫照而不開心時，她說：「我靈魂出竅，30幾個鐘頭冇瞓覺。」有否看過網上的淫照？她說：「冇，因為個幾兩個禮拜都係忙拍戲，冇睇雜誌新聞，但我都知有呢個報道，知道交畀警方處理。」
收過照片
「一睇就知唔係我」
Stephy曾與Edison傳緋聞，問她可擔心成為下個受害者？她說：「唔擔心，冇諗過。」有傳大前晚已有人在網上看到疑似Stephy的照片，對此她說：「公司話有收到，有sendSMS話畀我知，但公司一睇就知唔係我，樣同身唔配合，同事問我有冇興趣睇，咪笑吓囉！呢種移花接木好多案例，以前我都試過。」
言談間容顏憔悴的Stephy多次欲轉換話題，其後被問到拍拖時會否拍床上親熱照時，她即叫道：「梗係冇啦，最親密都係頭掂頭啫。」若男方要求拍照會否答應？她語氣堅定地說：「唔會考慮，如果鍾意對方，會將好多嘢都放喺心。」
此外，昨日Stephy以一身低胸打扮，在澳門只得攝氏四、五度的寒風下宣傳新賭場，提到淫照風波，她繼續表示不擔心也不會多想，但希望陳文媛及阿嬌勇敢面對，她說：「希望佢哋唔好太唔開心，積極去面對。」對於阿嬌自殺的傳聞，她說：「相信佢唔會自殺，希望佢能夠面對呢件事，我相信她過到嘅。」
採訪：駱華齡、張俊銘 攝影：葉君海
TVB劇情預告講淫照？
疑似藝人淫照風波鬧得滿城風雨，想不到無綫新劇《和味濃情》的網上劇情預告都緊貼事件，昨午約3時有網友發現該劇網頁第五集第三節的劇情預告中，有一句「近日藝人的淫照亦是同一道理，外表是華麗一族內裏卻是淫亂一族，真相往往是越揭越臭」的句子出現（圖），令網友嘩然，議論紛紛。不過，其後據論壇網友表示，未知該句子內容是否太敏感的關係，已於約五時被刪走，不過就有其他網友質疑該句子是移花接木的惡作劇。
http://www.miniforum.org/showpost.fcgi?tempid=2&MGID=2326813&page=1
