禮拜日終於睇咗偶像學友嘅演唱會，入場抱有好大希望，離場果真沒有失望，了咗一個心願；衰就衰在大會食古不化，堅持10點半cut電，以免打擾附近豪宅人士安寢，導致「嗱嗱林」收場，未能盡興。
睇完演唱會，謬論爆發，小弟發覺有幾種人不宜睇「騷」，如身嬌肉貴者，懶理現場氣氛，買咗坐位就坐到尾；憑「卡」獲飛者，純粹搵「騷」攝時間；陪女友讀書者，覺得舞動身體唔夠型，不如攬住女友睇DVD，還有雲遊太虛者同只顧影相者！請尊重表演者同尊重演唱會，同埋請支持星期六15嘅熱刺！
近5場往績：輸輸贏贏輸
讓球主客和：熱刺勝[+1]
心得：曼聯唔夠「熱」
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。