95年警隊前一哥李明逵與下屬夾錢買六合彩，捧走3800萬元獎金，一時間哄動全城；本周二開獎的送豬迎鼠新春金多寶六合彩，其中一注頭獎，則是某公司同事夾份贏大錢，同樣傳為佳話。Net人八到，兩注頭獎中，其中一注由7位幸運兒合資，他們是尖沙嘴港威大廈一間公司同一組同事，每人夾50元買複式，除頭獎外，亦中埋二、三及四獎，各分得360萬元獎金過「肥鼠年」，不過，同組還有4位基督徒同事因為宗教信仰沒有夾份。
老闆：有冇人辭職
網友「麟媽媽」在開獎翌日首先報喜：「同事朋友成team人中咗噚晚頭獎呀！恨死人囉！」同樣認識中獎幸運兒的「Naughtymom」補充說：「仲要噚日（當日）公司出bonus㖭，真係肥死啦。恭喜晒佢哋。P.S有個仲要係剛畢業，做嘢冇幾耐㗎」、「昨日早上成team停工，有老細仲入去問有冇人辭職㖭，不過暫時未有人提出」、「只知開彩嗰日張票擺喺公司，冇人知，第二朝返工先有人check，初頭仲以為係玩嘢，真係check真啲，先信，成team開心到癲咗吖。」
Net人最想知邊間係幸運投注站，馬會發言人回應暫時不能透露；樓主估計是海防道的投注站，Net人下次都要去碰吓運氣先。
http://forum.baby-kingdom.com/viewthread.php?tid=1286434&extra=page%3D1