李詩韻日前與友人到日本東京旅遊，順道趁當地大減價而瘋狂購物，花了5位數字，荷包大出血，現在大呼肉赤，直至農曆新年前，她堅決要忍手。
狂掃靚鞋塞爆篋
李詩韻逗留在東京一星期，她每天都忙於購物，她說：「我日日都去shopping，自己都買到癲晒，我買咗高踭鞋同皮靴，夾夾埋埋成10幾對，我已經帶個空篋去，結果爆晒番嚟，仲多咗兩個旅行袋，減價期間啲嘢又平又靚，我見到咪買。」
問到李詩韻此行的趣事？她說：「我最近先開始自學日文，我嘅能力都依然係雞同鴨講階段，記得去到餐廳，我哋睇餐牌點嘢食，一直食開火鍋，不過想後加豚肉，點知店員中途過嚟將我哋個火鍋拎走，換咗鐵板，原來嗰啲豚肉只可以鐵板燒，所以店員咪換走，好搞笑。」
採訪：比華利