名模周汶錡(左)同陳嘉容未過新年就發大財,上星期六佢哋齊齊去韓國華克太陽城VIP賭場主持開幕禮,喺台上玩遊戲先贏咗100萬韓圜(約8,260港元)獎金,之後就用呢筆錢殺入賭場玩百家樂,原來佢哋唔多識賭錢,周汶錡仲係第一次玩百家樂,但有賭場朋友教路,兩個人半個鐘就贏咗1,200幾萬韓圜,即係約10萬港元,認真開心過肥年。