近排超凍，部份地區氣溫仲試過係攝氏10度以下，聽天文台講會凍到年卅晚。呢排返工去街都要着到成隻糭咁，聽戰友吾中講，如果好凍就會着短袖羊毛底衫，而羊毛底衫我都有，但就甚少着，因為覺得如去到室內或較熱嘅地方，要除就好麻煩，所以寧願帶頸巾或者着件厚啲嘅褸。
雖則香港吹冷風，但英超就冇，眾熱門好似係曼聯、阿仙奴同車路士咁繼續贏波。今晚曼聯作客熱刺，雖則熱刺簽咗一大班猛將返嚟，但曼聯𠵱家着晒火，淨係個C朗都令唔少後衞頭都痕埋，一於再捧多曼聯一次。
近5場往績：輸輸輸贏輸
主客和：曼聯勝
心得：C朗燃燒緊啲小宇宙
青蛙仔
睇德國波同埋英國波大，大個之後攻埋日本波，兼且對日本藝能界幾有研究。