鄭希怡（Yumiko）、洪卓立、鍾舒漫及陳柏宇等前晚在中環出席新戲《愛情萬歲》煞科宴，Yumiko與洪卓立在戲中發展姐弟戀，還有咀戲，二人前晚作狀扮咀，被姚樂怡及陳柏宇推頭整蠱，幾乎真咀，周柏豪跪地獻花予唐素琪，陳柏宇則與鍾舒漫互餵朱古力。
贈螢幕初吻
Yumiko談到與洪卓立的咀戲，她說：「佢螢幕初吻送咗畀我，我諗佢啲fans唔會呷醋呱，拍戲啫，不過佢好拍醜，拍之前好忐忑，其實只係蜻蜓點水式咁錫，不過NG咗4次。」問她口感如何，可會回禮？Yumiko說：「OK㗎，我過年封番利是畀佢囉。」洪卓立被問到Yumiko好不好咀？他說：「當時我一片空白，好尷尬呀，我錫完仲同佢講唔好意思。錫之前搵唔到牙刷，狂食香口膠囉。」
採訪、攝影：駱華齡