每逢過時過節，坊間總有優惠，各大車行都搞搞噱頭整番唔少優惠益街坊，就連二手車行亦唔執輸，嚟一個買車大優惠之外，仲送埋入油折扣，全年入油都有得平，想趁新年買番部車仔玩又想有着數嘅，唔趁𠵱家等幾時呢？
大昌行易手車就搞咗個「新春易發行大運」，最筍嘅地方係由即日起至2月6號，所有車一律減$2,008，兼且每個星期再整個「歲晚一口價」，逢周末揀部車以優惠價發售，好似之前嘅SmartForFour同BMW318i就分別以$118,000及$108,000發售，每部平咗萬幾二萬蚊，買車有優惠之外，仲有機會可以全年以92折入油，𠵱家油價貴，揸得車就一定走唔甩，車行體貼到連入油優惠都幫車迷預備埋，都算唔話得喇！就快到農曆年，到易手車中心仲有精美利是封送㖭，就算當睇二手車係節目都賺晒啦！
記者：梁美甜
日期：即日起至2月6日
地點：九龍灣大昌行易手車
時間：10:30am-8pm（一至日）
查詢：22621118