加歷查出醜，做咗瀨尿蝦
基拔圖唔過體測，熱刺慳番筆
日本森本貴幸做卡坦尼亞福星
C朗勢難擋，又彈開艾廸巴約
戴維斯打茅波，續約凍過水
最新動態
活：好嘢喎，成場見你走上走落，我大你兩年幾，冇你咁勁咯！
尼：你仲威啦，呢10年轉過6間球會，真係荷包腫脹，不過我見你喺大後方死頂，表情痛苦，唔敢上嚟助攻喎？
活：我踢過皇馬，同熱刺領隊拉莫斯梗係啱傾啲啦。唉，我呢類腳患馬，喺後面頂得住係萬幸；希望京治快啲出番嚟同我做拍檔，我真係驚咗「廖化」侯度史東累我孭鑊呀！
尼：咁又係，如果今場我哋有齊耶高保、奧士文同卡希爾呢類炮手，你真係唔易頂呀！
活：喂，愛華頓個勢好強喎，今季有機會攞第4啦？
尼：同市嗰隊利記唔爭氣，先有機會爭吓啫！
活：嘩，你睇吓，加歷查啱啱喺個邊累利記臨尾香喎！
尼：哈！如果做到4哥，我叫價就高啲，經理人話阿仙奴同曼聯斟我下季過檔，係就發達！
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/