張學友噚日接受電台電話訪問，學友自爆開演唱會前入過醫院，佢話：「身體有啲唔舒服，入醫院係想休養好個身體做騷，因為吊鹽水會好得快啲。」另外，問佢係咪賺咗兩億，所以今年可以休息一年，學友話：「啲報道梗係誇張，邊有咁多，有我就唔使今時今日仲開演唱會，如果要令大家安樂啲，我惟有話勉強有一半囉。」