梅雪詩（圖）及任冰兒等一班粵劇老倌，噚日到港台出席《戲曲天地》節目，由雛鳳鳴劇團演出嘅《帝女花》被選為金獎，梅雪詩就話：「好開心，不過呢個獎係代表成個劇團，身在加拿大嘅龍劍笙都有份。」而梅雪詩表示自己忙完神功戲之後，就會想一想來年嘅計劃，不過佢就唔會休息，因為佢好鍾意做戲。喺過年期間，佢仲會去師傅白雪仙屋企拜年。