【本報訊】審計署發表旅遊發展局「大花筒」報告後成為「罪人」的旅發局前總幹事臧明華，昨日挑戰審計署權威。立法會政府帳目委員會聆訊旅發局應酬開銷超支一倍，臧明華聲稱應酬活動不是純粹「請食飯」，指摘審計署用錯數據比較，審計署長鄧國斌則指旅發局應酬超支事前未獲准許，事後又欠解釋，兩人一度「駁火」。 記者：麥志榮
議員昨質疑旅發局06至07年多次應酬開銷超出每名賓客390元的上限規定，超支10,000多至60,000多元。臧明華一開始即指審計署計錯數，她解釋，其中一次被指超支是為購物節舉辦的活動，為了與商戶交流才加開晚宴。
鄧國斌則踢爆「旅發局兩個月後至追認番呢筆數」：「我哋有張單睇晒成個開支，場租22,500蚊，酒水3,000幾蚊，淨係晚餐73,000幾蚊，按人計清楚寫住806蚊。」臧明華反駁：「會展場地有最低消費，唔係普通請食飯。」
「紀錄上睇唔到呢啲解釋」
議員又質疑韓國辦事處舉辦的一次宴會超支未獲批准，臧明華力撐海外辦事處幹事有權批准應酬開支超出指引。鄧國斌卻指出：「唔跟指引要詳細解釋點解唔跟，紀錄上睇唔到呢啲解釋。」
臧明華最後強調：「我再講一次，呢啲唔係超支，呢啲係活動，只係（審計署）比較錯咗」。鄧國斌則澄清：「（旅發局）財務政策及程序係無分邊類應酬，所以我哋嘅比較係啱嘅，無分普通食飯，特別食飯，所有應酬都係嗰個限額。」
鄭經翰批評臧明華「畀太多特權同事隨時超支」；譚香文批評旅發局「洗腳唔抹腳」。另外，石禮謙批評旅發局聘請臧明華推薦的舊同事是「開後門」。