利物浦近況麻麻，踏入08年後更未曾於聯賽勝出，不過「紅軍」球員有的是質素，而且在周三訪韋斯咸時，料有多員主力復出，一於再信利物浦一次，捧他們勝出。
踏入08年，利物浦可說諸事不順，於聯賽連和3場後，排名已跌至第6位，並落後榜首的曼聯14分，就算上仗於足總盃大炒哈雲特晉級，亦因球隊兩度落後已被「笑到面黃」；今訪韋斯咸時，球員定希望一舉勝出，以吐烏氣。
今役「紅軍」料有多員主力如前鋒費蘭度托利斯、中場謝拉特及門將連拿等復任正選，3線實力都增強；加上中場班拿約近況好，上仗連中三元，不難擊敗今屆攻守皆表現麻麻的韋斯咸。
串曼城W愛華頓「大」
打比郡雖然於1月期間大事擴軍，加入如中場沙維治及羅拔等有英超經驗球員，可惜球隊表現仍未有起色，連領隊祖維爾亦表示有降班的心理準備；今役更有後衞尼亞坦加停賽，就算對手曼城今屆作客表現平平，亦寧取質素較高的曼城勝出。
愛華頓今屆表現可人，熱刺踢法亦見悅目，但由於前者有尤保、派拿及耶高保要踢非國盃而缺陣，而熱刺則有中堅戴臣停賽，補入的「藥煲」後衞活基治又未知今役能否披甲，相信是役開「大」機會濃。文：吾中
貼士
主客和/混合過關
星期三14利物浦勝（1.85）
星期三13曼城勝（1.7）x
星期三14利物浦勝（1.85）x
星期三20愛華頓大（1.85）3x1