早兩日經過深水埗欽州街西附近，見到一條好得意嘅行人天橋；得意在乜呢？咪就係方便使用輪椅人士嘅斜道落咗閘，但樓梯嗰邊就無，而喺閘口仲貼咗張通告出嚟，話如果要用就可以打去有關部門搵人幫手，但只限朝早7:30至夜晚7:30先有人聽電話。咪玩啦，雖然側邊有行人過路燈，但條天橋擺喺度唔用，好浪費吓喎！