香港演藝人協會就近日爆發的疑似藝人淫照風波，昨日在九龍塘召開近3小時的緊急會議，會長譚詠麟（阿倫）、永遠榮譽會長曾志偉、副會長陳奕迅、張權及執委陳芷菁等均有出席。
會後陳芷菁代表發出聲明，全文如下：「香港演藝人協會對網上發放有關藝人照片的不道德行為表示失望，這不單是娛樂圈的悲哀，亦是香港人的悲哀，此種不良風氣對年青人造成荼毒。此事已由警方處理，謹希望政府有所行動，阻止歪風。香港演藝人協會會留意事態發展。」
未收求助電話
阿倫表示該會暫時未收到任何求助電話，他說：「各公司應該伸出團結心，無論乜角度都應該一條心去面對，今次件事係我上任之後第一個大考驗，好棘手，我哋真係做唔到乜嘢，件事已交警方處理，我哋唔可以講太多。」
會否勸喻市民不要觀看有關照片？阿倫說：「要拜託傳媒去教育呢啲人，唔可以將呢啲事變成社會話題。」陳奕迅則插嘴說：「呢啲係歪風。」阿倫又呼籲巿民要小心處理自己的所有私人物品。
採訪、攝影：魯萍