互聯網連日流傳疑似陳冠希（Edison）、鍾欣桐（阿嬌）及陳文媛的淫照，前日和昨日又廣泛流出貌似張栢芝的多張淫穢照片，受影響的陳冠希、栢芝和英皇娛樂先後往報警備案，事件震撼整個娛樂圈，同時也成為藝人、觀眾和網民茶餘飯後的話題。01年曾與陳冠希傳緋聞的李彩華表示有關事件正好打響警號，她忠告每位女生都要小心，同樣與Edison傳過緋聞的薛凱琪則替受害者難受。 採訪：林風
薛凱琪冇得擔心
「我同陳冠希嘅緋聞都係雜誌寫，我唔擔心，亦都冇得擔心，我同佢只係工作上有影過合照。不過呢件事傳出後，都會戥佢哋唔開心，因為對各方面嘅人都會構成傷害，希望件事快啲平息，警方盡快破案。」
李彩華千祈咪影
「我呢幾日都有留意網上流傳淫照嘅新聞，我覺得女仔同人影親密照真係要謹慎同小心，適當時候要sayno，呢單新聞絕對可以向所有女仔響起警號，影響形象嘅相片，我就一定唔會影。」
周杰倫覺得恐怖
周杰倫昨晚在觀塘宣傳新片《功夫灌籃》，女角蔡卓妍稱病缺席。周杰倫對淫照事件說：「知道流傳這件事，覺得很恐怖。這對藝人很不公平，我相信照片是移花接木的，真的為藝人感到擔心，事件很震憾。」
應采兒藏在腦海
「發生呢啲事，真係令人好震驚，我覺得女藝人要學會保護自己。我就絕對唔會畀另一半影埋啲咁嘅相，我覺得回憶藏喺腦海就得，唔使拍低落嚟，所以我從不擔心自己會出事。」
樂易玲保持清醒
「不論男女都要自愛同保護自己，出嚟玩要適可而止，好似黃宗澤之前夜蒲，我都問佢做乜要鬆懈，飲到咁上下就要抽身。我會勸旗下藝人唔好對愛情盲目，情侶都有機會分手，有啲嘢機器係信唔過。」
吳嘉龍嘆影唔切
「網上有好多保安方法，一定要防範同保護自己嘅電腦，𠵱家數碼年代，真係好厲害。我覺得啲相係假，我份人太心急，要擺機又要甫士，冇興趣影呢啲相。」
