「生嘅時候有10幾20人圍住，應該係實習醫生，產婦究竟可唔可以拒絕實習醫生在場呢？」「惜惜」替剛分娩的好友提出疑問。原來本港兩間大學的醫科生，會被安排到各大公立醫院病房實習，病人就成了「人肉教材」。
曾在威爾斯醫院分娩成為人肉教材的「mrs.so」說：「準備生得，突然有10幾個男男女女嘅醫生仔，企喺我前面，好彩護士長好好，叫佢哋散開少少，不過護士話係咁，好少機會就到可以睇全程。」「魚生」則擔心散播病菌：「咁多人喺一間房入面會帶嚟好多細菌。」
醫管局發言人向Net人解釋，公立醫院在安排醫科生臨床觀摩或實習前，會先知會和徵求病人同意，病人有權反對；除教學醫院外，其他公立醫院也有同樣安排。
雖不願做人肉教材，不少媽媽網友明白，臨床實習對醫科生來說是寶貴經驗，也不忍拒絕。曾在屯門醫院做足5個半月人肉教材的「winnie_sh」說，「當痛到入心時，佢哋（醫科生）就為我加油……到12個鐘頭先生到阿女出來，佢哋幾個都有喊。」
http://forum.baby-kingdom.com/viewthread.php?tid=1267637&extra=page%3D1