多得《穿Prada的惡魔》，呢頭公仔箱《Elva》雜誌才摺埋，嗰頭大銀幕又來本《VOGUE》。《緣份吹吹風》的積絲（碧坦妮梅菲飾）貴為英國時裝潮物《VOGUE》雜誌副編，自命是大眾愛情專家，最鍾意替朋友扯紅線做媒人，她的同志室友彼得（麥菲賴斯飾）更是其緣份配對的重點對象。誰不知一夜間殺出個絕世型男保羅（聖地牙哥卡巴拿飾），這對男女先後上晒電，「爭仔風暴」在所難免……但又不捨得放棄腳踏的幾隻船；最重要是言行舉止帶Camp味的保羅究竟是直是孿？
現「得利影視股份有限公司」送出《緣份吹吹風》「囉囉戀」浪漫優先場戲票，名額25位（每人2張），相約天生一對的你倆，於2月12日晚上7時15分往灣仔會議展覽中心演講廳一同預支情人節。有興趣的話，只要答中問題，連同回郵信封寄「觀塘鴻圖道19號富登中心8樓──得利電影宣傳部收」（請列明《緣份吹吹風》×《蘋果》副刊送禮遊戲），便有機會得到戲票，先到先得，送完即止。
問題：碧坦妮梅菲在那份雜誌當副編？
‧必須憑報紙上的參加表格才可以參加遊戲。