過新年，定要取個好意頭，無論今年加薪與否，買年花，絕對不能吝嗇。雖然今年年花比昔日貴三至四成，人工卻加無幾，但有云：「小財不出，大財不入」，今年桃花、蘭花，毋懼寒天繁花綻放，亦可揀盆羅漢松積財運，過個大富大貴嘅鼠年！
記者：郭佩韻
攝影：陳盛臣、譚盈傑
Model：Shanna@StageModels
桃桔升價四成
位於八鄉的財利農場，年年均有桃花王出售，今年那棵約16呎高的桃花王老早名花有主，農場負責人馮先生說：「今年桃花價比去年高出三至四成，好似桃花王，上年約三萬，今年約五至六萬。」馮先生提醒，桃花最好每2至3日換去3水，新舊水混合，避免年花不適應而枯萎。位於大埔林村的強記花園，年桔售價上漲三至四成，而今年特製的新穎盆景年桔，大受歡迎。
盆景富貴招財
去旺角花墟揀年花，花多眼亂，山城花藝負責人賴榮春話：「年年買年花無新意，不如買盆景應節，好像早排被人非法砍伐嘅羅漢松，名字意謂：『家有羅漢松，一世唔會挨窮』；而且佢易打理，每2天淋1次水便夠。」
蘭花搶買千葉龍珠
蘭花年年有新品種，吳家村千葉園設有蘭花溫室培植場，負責人楊小龍對種植蘭花甚有心得，他說：「兩星期淋水1次，置於室內，閒時擺放窗台，吸收陽光。」培植新品種蘭花需要4至5年時間，今年培植出千葉龍珠及新黃金甲，顏色斑紋與以往不同，當中新黃金甲差不多已售罄，千葉龍珠則尚餘少量，看來將掀搶花熱。
意頭年花多人買
陳太：「年年都買蝴蝶蘭，花形靚，香氣四溢。」
潘小姐：「我買日本海棠，比桃花靚，色又sharp。」
蔡小姐：「彩色嘅小菊花好靚，細細盆啱晒。」
蔡小姐：「蝴蝶蘭易打理，起碼可放3個月。」
穎彥：「羅漢松一類盆景，意頭好，可聚財。」
（a）財利農場（24882485）
八鄉上村區黎屋村456E號
（b）強記花園（26513091）
大埔林錦公路麻布尾村口
（c）山城花藝（27873372）
旺角洗衣街221號
（d）千葉園（24883969）
八鄉錦上路吳家村75號