綜觀去年最搵錢女模，非「城嫂」熊黛林莫屬，一踏入08年就密密搵銀的她，前晚透露已在家鄉南京買第二間屋，更準備自住，至於裝修細節，她謂不會特別講究，最緊要一張特大雙人床。
英國配飾品牌AnyaHindmarch前日在中環HarveyNichols，舉行2008春夏服飾及手袋系列，以Daybeach,nightevening作主題，熊黛林和陳嘉容等穿上洋溢海岸度假風情的日裝，以及cleancut華麗晚裝示範。
問熊黛林新年可會穿紅內衣帶旺運氣？她說：「我哋家鄉，除非係自己本命年先要着紅衣服，所以係12年先着一次。」
賺多去年三倍
08年甫開始，熊黛林就工作多多，她直認去年賺了七位數字，她說：「係來港兩年最好嘅，同第一年相比賺咗三倍，所以我過年會買車獎勵自己，大約30萬以下吧。」
早前被拍到在南京買樓，熊黛林透露已買了第二層樓，並已經辦手續中，她說：「這是我將來嘅家，所以唔會租出去，唔想有人住過。」
熊黛林指將來家中裝修以簡單為主，問她郭富城曾指家中的浴室要有全身鏡？她即說：「我唔會囉，唔會特別講究，最緊要張床就一定要大，要雙人床。」
給母萬元利是
同場陳嘉容指完成最後兩場騷，歲晚收爐陪媽咪辦年貨，她說：「我每年都會畀五位數字利是媽咪，當係過年，同畀佢傍身。」她指有三、四個Anya袋，她說：「有一個印有自己樣，不過怕俾人笑我係自戀狂，所以唔敢拎。」
採訪、攝影：LawWaiMan