李克勤近日為農曆新年舉行的演唱會勤力排舞，雖然他自嘲自己與舞林正傳郭富城不能相提並論，他只能以舞林浩劫自居，但昨日克勤示範一段舞步，瞓地抬腳都跳得有板有眼，他更謂要觀眾入場看完後都拍爛手掌，囝囝一見他跳舞也即時不再喊。
李克勤將由大年初二開始在紅館舉行一連11場《你的克勤演奏廳》演唱會，他最近密鑼緊鼓排練中，今次克勤起用郭富城早前演唱會的舞蹈藝員班底，他笑指城城是舞林正傳，他便是舞林浩劫，連排舞師都指今年會過肥年，因為其他歌手排一隻舞只需三、四日，克勤最少要十日至兩星期，克勤自言本身記性好，惟有勤記舞步。
「大家拍爛手掌」
克勤昨日與舞蹈員在灣仔排舞，雖然口說不行，但跳起上來也有板有眼，克勤示範一段舞蹈前先說：「無論跳得好唔好，都畀啲鼓勵嘅掌聲我啦。」只見他動作毫不生硬，無論瞓地抬腳擺姿勢都與舞蹈員配合得很好。
對於被稱讚表現不俗，克勤笑得相當開心說：「40幾歲人先搞呢啲嘢，之前左麟右李都唔使咁。不過以前大家會笑我，今次我要表演完，大家都拍爛手掌嘅。」克勤早前看完容祖兒演唱會，他謂因此要更落力練舞，他說：「我個騷新年舉行，更加要多啲舞蹈，氣氛先開心啲。」
籲尿片代花籃
克勤表示苦練舞功至肌肉痠痛，除每朝早十時開始排舞一整天，返家後還會繼續練習，他說：「我阿仔本來鍾意睇電視，𠵱家鍾意睇我跳舞，連喊緊都會停。」被問到有沒有再高難度的動作？克勤說：「冇啦，跟到拍子先算，性感歌衫都冇，留番畀啲後生去做。」此外，克勤為響應環保，呼籲各界不要送花籃到後台，但不介意收利是、尿片及果籃。
採訪、攝影：馬建華
