呢排見到公司嘅靚女秘書「皇后」，個樣好鬼苦惱咁，佢話屋企大裝修過年，仲租咗個迷你倉擺嘢，搬運要收錢好正常，原來包裝啲物件入倉都要收錢。消委會嘅老友同小妹話，其實自行包裝啲家具等都係好簡單，仲可善用迷李倉嘅空間㖭。
老友仲提醒打包嘅貼士：1.包裝物料同儲物箱一定要清潔、亁爽；放置物品嗰陣盡量將儲物箱裝滿，有空位要用紙或墊料填滿。2.將儲物箱用膠紙密封，以防入灰塵。3.在儲存箱貼上標籤及寫清儲物清單，方便日後搵物件。4.先擺放最不常用的物件在倉內最前面，倉中間預留一條通道。
最後一招係儲存家居用品，有濕氣嘅電器如雪櫃必須確保亁爽、清潔；電視機等最好放在原裝盒，或搵大小相若的紙箱；易碎嘅物品如花瓶等先包好再放入儲物箱；梳化或床褥用保護物料包好，最好直放節省儲物空間；可善用衣櫃或雪櫃的抽屜存放細小物件。
逢周一至周四刊出