葉翠翠噚日同高鈞賢喺觀塘出席卡士汽車技術服務中心開幕典禮，翠翠着住低胸裙加外套，佢話咁樣已經好性感，唔肯除外套。講開早排拍古裝片，佢話戲服單薄，搞到氣管病復發，更加要着多件衫。翠翠又話相士話佢鼠年旺桃花，但佢唔急識男友，只想賺錢買車同買樓，嚟緊佢一得閒就會學車㖭。