【佛山及廣州直擊】2008國際中華小姐前晚在佛山誕生，一直被彈豬扒的香港佳麗張嘉兒，今次竟打破近年香港小姐三甲不入的宿命，在華姐中獲得亞軍；儘管賽後有人批評造馬，陳豪和曾志偉卻力撐她前晚表現出色淡定。
來自巴黎的朱璇前晚以大熱姿態奪得華姐冠軍寶座及青春小姐，成為雙料冠軍，香港佳麗張嘉兒獲亞軍，季軍為重慶的徐萌。前晚佳麗跳舞出場期間，5號徐弋雯和10號吉麗出現露點疑雲。而大會於賽後舉行慶功，出爐冠軍朱璇在台上答謝幕前幕後工作人員時，高興地說：「你們最棒！我們自由啦，可以放心吃啦。」
錯讀9號吳佳穎入10強
前晚司儀曾志偉和森美宣佈10強佳麗時，懷疑錯讀了2號龍洋、3號陳麗或9號吳佳穎其中一個名字，最後無綫疑打圓場，宣佈入圍佳麗有11位。而2號龍洋最後入5強，觀乎前晚的表現，9號吳佳穎應不入10強。對此志偉說：「自己唔知發生乜事，未試過咁，原來有分數相同。我一向唔順住number讀，因為順住嘅話咪知下一個係邊個！」對於張嘉兒獲亞軍被投訴造馬，志偉說：「各花入各眼，佢問答最得分，未選之前我都覺得佢唔得，但今晚佢表現好好，佢哋綵排時我都同佢哋講，熱門死梗，可能佢（張嘉兒）拚輸嚟做，冇壓力咪做得更好囉。」
昨日出爐三甲及友誼小姐李德玲，由佛山前往廣州金至尊領獎，並由陳豪頒發。張嘉兒表示獲獎感到意外和榮幸，她說：「冇諗過自己係熱門，可能因為咁發揮得好啲。」陳豪亦力撐她說：「張嘉兒表現淡定，我覺得佢幾好。」朱璇則說：「我家人在北京放鞭炮，我本來想打電話騙他們比賽成績不好，但家人原來已在家中欣賞得到。」
阿B喪父堅強演出
此外，鍾鎮濤（阿B）丁父憂仍為華姐擔任評判及表演嘉賓，見他整晚表現堅強，由於日前訃聞上范姜被列媳婦，前晚華姐慶功宴上，問阿B是否已經與范姜結婚，他說：「我哋係未結婚，唉，點講呢？有個人鍾意，冇理由認女唔認乸，阿爸好錫佢兩母女。」
採訪：曾小嘉
攝影：郭強
冠軍朱璇大起底
本年度國際中華小姐前晚誕生，結果由芳齡20歲、來自巴黎的朱璇力壓香港代表張嘉兒摘取后冠。記者昨日在互聯網上找到多輯朱璇參加選美前的照片，外貌稚嫩的她原來曾半裸拍攝露背照，相當大膽。此外，朱璇曾在法國學習戲劇表演，難怪她前晚的演技如此精湛，掌摑同房佳麗之餘，又臨時更改劇本，令對手韓曉丹不知所措。
一網講盡︰網友讚張嘉兒堅強
無綫舉辦的國際中華小姐前晚在風雨聲中結束，網友除炮轟賽果不公外，又對無綫大型騷接二連三發生蝦碌事件表示不滿。
BBABYYY（Uwants討論區）：我覺得嘉兒可以應付到咁多負面新聞已經好堅強，嘉兒，噚晚再次證明你係得嘅！
§翼§（香港討論區）：張嘉兒跳舞仲低分喇，但佢都拎到亞軍，咁即表示個環節係廢㗎喇！
＊：咖啡杯：＿（香港討論區）：20號靚過張嘉兒多多聲啦，佢冇獎真係好唔抵！
郭郭（香港討論區）：其實一開頭就唔應該話計錯數，而係話有幾個同分情況，所以入圍加至11人，咁樣大家都好睇吖。