農曆年殺到，鮑參翅肚平有平食，貴有貴嘆啫！反而係今年樣樣話加價，到底點先買到抵食年貨？
一哥話今年無鮑魚
楊貫一話：「今年情況好嚴峻！鮑魚無得嚟，要下年至有貨，點唔搶貴晒啫！」一嚟就話嚴峻，真係嚇人。於西環經營30幾年海味老字號「海生行」營業經理朱小姐話：「六、八頭日本亁鮑少咗好多，南非鮑去年11月開始禁捕，今年至少貴咗兩成。」
轉食南非罐頭鮑
既然情況咁嚴峻，咁今年食乜鮑好呢？「亁鮑唔好食住嘞，食吓湯鮑先，車輪鮑以前最好味，但𠵱家都淡咗啲；南非罐頭鮑味道拍得上，雖然今年炒貴晒，成千蚊罐（一、二頭），都係好食啲，而且𠵱家唔食，第日可能冇得食！」大昌、吉之島和海生行都說今年特別多人買南非鮑，越炒越多人買，大頭數嘅反而有斷貨迹象。
查詢：
海生行25486393
吉之島28846888
大昌食品市場專門店22168068