上市公司原有業務無突破，謀求轉型以圖脫胎換骨，理應值得股東們支持，不過，也還看公司是否具備求變的「誠意」。港股大波動，所謂環境「唔就」，不少上市公司陸續取消相關交易，股價下跌自不待言，令跟炒散戶無不嗟嘆「炒錯概念買錯股」。
坐擁巨資未有動作
時富投資（1049）月中宣佈與重慶重郵信科終止成立TD-SCDMA技術合營公司，但又話仍與重郵商談新合作方案。點都好，股價由去年最高2.45元累跌至今僅剩0.51元，市值「大縮水」至4.6億元。問題係時富去年宣佈上述合作協議時，曾進行過一輪配股集資，連同旗下打算上市的「摩力」亦都配股畀美資基金，前後累計達4億多元，差不多係成間公司市值。
中信泰富（267）年內一樣轉型涉足特鋼業務，最近股價太殘，主席「榮太子」及母公司都增持股份，足見對股民有承擔。反觀時富轉型一事未有着落，既坐擁巨資，卻未見任何回購股份動作，難怪成日有人話炒股必買藍籌，點都唔好掂細價股。