神童沈詩鈞嘅爸爸沈振雄噚日出現喺會展嘅英國教育展，佢唔係再為詩鈞搵學校，而係幫佢大仔怡謀嘅英國母校ConcordCollege做義工。呢間學校影響沈家好大，怡謀14歲入牛津大學，之後間接又改變咗詩鈞命運，所以沈爸爸好落力幫學校招生。
沈爸爸話，舊年已有唔少家長電郵問佢教仔心得，初時都逐一回覆，但之後竟然聽到家長話交畀菲傭教，佢覺得好有問題，就再冇咁積極畀意見。
陶傑噚日都有去分享英國讀大學趣事，佢話最深刻係玩新人，班老鬼將佢同一個新生女生困埋一間房，要佢哋過一晚。咁成晚發生乜事呢？陶傑話係不能說的秘密，八方好期待佢喺專欄度交代吓。