上個周末同班朋友去咗台北3日2夜，記得上一次去係03年嘅聖誕節，呢次重遊感覺上同幾年前冇乜點變。嗰幾日去咗淡水、士林、烏來同西門町，仲食咗唔少特色嘢，好似係花雕雞、胡椒蝦同薑母鴨等，真係又平又好味。喺度要多謝兩個台北朋友Peipei同Arlin，抽空帶我哋周圍食同周圍玩。
台北都有《蘋果日報》賣，不過就係台版，佢哋同日本人一樣超鍾意棒球，所以亦係體育版嘅主打，唔似港版咁由足球主導。雖則我對棒球都有啲研究，不過足球始終先係強項，今次推介友賽日本贏智利。
主客和：日本勝
心得：日本主場打友賽有料到
近5場往績：輸輸贏輸輸
青蛙仔
睇德國波同埋英國波大，大個之後攻埋日本波，兼且對日本藝能界幾有研究。