【本報訊】牛頭角彩霞邨縱火傷人及企圖自殺案中，被指是負心漢的男子「阿舜」，事發時並不在現場，但他幾乎害死了母親、兄長，更令最無辜的未來阿嫂危在旦夕。記者直至案發12小時後，才打通他的手機，但他一聽到是記者，只拋下一句「咁冇嘢喇」，便匆匆掛線。
「佢個名叫鹹濕舜！呢幾年一出糧就去賭波、賭馬同去玩，到𠵱家仲欠我1,600蚊租。」記者昨天前往阿舜與涉嫌縱火女子萬秀英，位於深圳皇崗的同居住所，女房東黃太知道阿英涉案被捕後說：「真係戥阿英唔抵，佢好可憐！」
女房東：阿英好凄凉
女房東說，阿舜令她印象最深是「佢把嘴好似啷過油，好識𠱁人，相比之下阿英就靜得多。」她說去年9月兩人決裂，阿英一日之間搬走屋內所有傢俬、電視，阿舜事後回來辦理退租手續時揚言還清1,600元欠租，「𠵱家過咗四個月，佢（指阿舜）連影都冇，打佢手機又唔聽，我都預咗收唔番啦！」
女房東續稱，阿舜與阿英10年前開始租住其物業，當時兩人打得火熱，雖無結婚，但過着有如夫妻的生活。六年前，阿舜露出花弗本性，不斷冷落阿英，近年更企圖趕走阿英，但阿英一直死忍，寧願「分房瞓」都不肯搬走。
「阿英試過幾次好凄凉咁向我訴苦，話同阿舜分手、被騙感情唔緊要，最緊要係阿舜還番10萬元畀佢，又話有兩張阿舜寫嘅借據，如果對方唔還錢就去香港報復。」女房東說，兩人去年關係開始惡劣。
女房東形容看着兩人由情侶變怨偶，曾找阿舜嘗試排解，「點知阿舜誓神劈願話冇借錢，反而話阿英問佢攞10萬元分手費。」對於阿舜的解釋，女房東搖頭歎息，「我諗佢（阿英）都係走投無路至咁做，真係可惜！」
另外，阿舜的母親、兄長昨下午出院後，立即回家取走物件，至傍晚再往醫院看望重傷的陳燕芳（即阿舜兄長的女友），她目前情況危殆。