非國盃直播時間夜，小組賽吸引力又平平；好彩電視台找來黎新祥做中文評述，佢嘅冷面笑匠作風，真係生色不少。
黎sir把聲低沉，原本唔適合做評述；不過佢老人家夠晒江湖地位，夠狠夠膽；好似佢拍檔話畿內亞門將基莫高卡馬拉暫時冇班落，黎sir夠膽講：「呢場咪做世界囉！」結果基莫高卡馬拉失兩球輸波；睇住納米比亞對摩洛哥唔夠10分鐘已經輸兩球，黎sir又好抵死咁話：「香港隊操好啲，都有權贏呢隊納米比亞。」結果納米比亞大敗1:5。
小弟從來唔覺得評述員要中立，只要有point，你踩到阿仙奴曼聯一文不值都得；總好過講埋啲「邊隊入波先就有優勢」、「雙方唔入波就打和」嘅廢話。周六喀麥隆對贊比亞，小弟就捧入球大。
大細：喀麥隆大
心得：喀麥隆入得又失得
近5場往績：輸贏輸輸輸
牽牛
施丹退休，頓感失落，期待阿仙奴的法比加斯他朝有此神乎其技。