記協盃終於告一段落，季軍戰9:3贏有線新聞，睇賽果唔代表乜嘢，只係大家「Hea」住當踢場友賽咁，我哋攞第3或第4根本冇所謂，幫隊友攞神射手先係重點。
喺度想讚有線好波之人劉家禾外，梗唔少得我哋蘋果隊嘅馮國康以11球榮膺神射手，阿康好嘢！我覺得最佳射手獎仲靚過冠軍獎盃囉。今年係畢傑首屆打記協盃，表現等隊友評價啦，我自己就覺得：如果大家有睇過《化骨龍與千年蟲》，我咪係張家輝戲入面嘅角色──「史伐龍」囉。夜瞓兼成日冇嚟神氣吖嘛！今晚西維爾瞓醒喇。
主客和：西維爾勝
心得：夠瞓咪有力踢囉
近5場往績：輸贏輸走贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。