前日選完港區人大代表後，北京又公佈埋全國政協名單，全國人大代表原本已經俾人叫「政治花瓶」，政協就更加係政治花瓶入面嘅政治花瓶，不過一樣有人爭崩頭嘅。今次新一屆政協2,237名委員名單入面，特邀香港人士就有126人，比上屆多4人，名單上嘅「新人」，有行政會議成員兼前任政務司司長許仕仁、中文大學校長劉遵義、貿發局主席蘇澤光，同埋信和集團主席黃志祥等。
不過名額多咗，仍然分唔掂餅仔，部份人夾硬俾人塞去其他組別，好似醫管局主席胡定旭，原本係港區政協，今次就俾人塞去醫療界，工聯會陳婉嫻要去婦女界。八方好擔心，擦鞋人士越嚟越多，政協席位有限，邊夠分呀！