香港嘅10蚊銀假幣氾濫，其實偽鈔喺各地都好「流行」，最近，內地網站《阿里巴巴》報道，國際貨幣事務聯合會對各國現時流通嘅紙幣進行評選，發覺全球有7款鈔票係最難偽造嘅，其中就包括香港特區政府出嘅花蟹。
報道指，專家研究各國最先進嘅新興防偽技術，選出咗香港呢張10蚊紙，最出色係凸起嘅油墨，同埋印喺鈔票兩面嘅一匹駿馬圖像，能夠做到完美排列，一般粗糙嘅設備好難做到假冒咁話。
至於其他6張防偽功能最強嘅銀紙，包括有哈薩克斯坦嘅一萬銀堅戈，呢款銀紙係第一款用安全絲製嘅鈔票；墨西哥嘅50披索，因為用咗多層塑膠聚合物製造，同埋透明視窗嘅設計，都好難做假。另外，尼泊爾嘅10蚊盧比、伊拉克面值1000銀嘅第納爾、瑞典嘅1000銀克朗，同埋英國嘅20蚊英鎊都入圍。