舒娃鬥伊娃，好睇過足球
熱刺重上正軌，貝碧托夫話唔走咯
傳阿爺救市，港股有救？
AC兩連勝後斷纜，我未灰心
大「象」再出，無日安「寧」
最新動態
細個家境一般，好多問題都要自己解決，仲要同細妹鬥快「黐」車仔貼紙，幫補家計；邊有𠵱家啲父母咁緊張子女成長，歲零就要上堂，每月使費分分鐘多個大人。時代唔同，好難一概而論，世界多苦，我又未做過亦唔敢諗做人爸爸；不過我認為揠苗助長好易適得其反，絕對同意逆境智商（AQ）更應磨練。你睇吓股市大跌時，身邊幾多人黑口黑面、失魂落魄，就知AQ高係幾重要。
雲格終願放值幾億元嘅小朋友禾確特出去闖，友會借用無任歡迎；條件係要佢喺下半季踢正選箭頭，希望小子佢來季學成歸來，不負厚望。雲格真係做番次好事，呢位𡃁仔得18歲，既然進度欠佳，理應放手，畀佢去啲細會磨練球技、練大隻啲。
小朋友多作戶外運動，踢吓波，點都快樂過喺屋企打機對住講英文嘅菲傭；咪好似緊張到賓特拿老竇咁，要求嚴懲艾廸巴約咁跨張，細路仔喺成長中總要經過挫折，小事化大，好做唔做。
蘋果波神
英超波癡有一個心願，5月話你知！
http://hk.myblog.yahoo.com/appleballmen/