現年19歲的動漫Maggie（李曼筠），不但擁有無限青春本錢，又不介意性感示人，她的34D上圍更經常成為鏡頭焦點，但今年她已立下減肥大計，先除掉身上10磅贅肉，繼而把上圍降cup至32B。Maggie近日狂做運動外，三餐也只吃奇異果或火龍果，雖然冇啖好食，一於愛靚唔愛命。
動漫Maggie（李曼筠）出道以來，34D的驕人上圍，每次出動都成為搶鏡焦點，可是宣佈08年全面進軍影壇和樂壇的她，卻打算收起騷胸必殺技。身高5呎8吋的Maggie，體重僅110磅，但仍努力進行地獄式減肥，希望在農曆新年前減掉10磅贅肉，順便「縮胸」。
「俾人望到實個胸」
Maggie表示對天賦的34D上圍並不自豪，她說：「每次俾人望到實個胸，其實都幾尷尬，我希望減肥成功後，我個胸都縮番細啲，最理想係變番32B，咁樣唔會太大，大家都唔再以我嘅胸部做焦點，要留意多啲我嘅演藝事業。」
為了盡快達成理想體態，為食的Maggie不惜狂做運動和節食雙管齊下，她說：「我𠵱家開始朝早去公園跑步，中午就返屋苑clubhouse跑跑步機，我又全面戒口，一日三餐只係食奇異果同火龍果，肚餓就不停灌水，等自己個肚有脹嘅感覺。」
買新衫賀新形象
Maggie自知體質容易吸收，只得忍口才能火速纖體。她說：「只係食生果，其實身體係唔夠熱量，有時做完運動都易頭暈，我惟有𡁻吓香口膠補充血糖。」此外，Maggie希望盡快減肥後，新年可以添置多些新衣服做騷，以新形象跟fans見面。
採訪：比華利
攝影：陳慧安
