上星期命中奧沙辛拿主W，總算為西甲早飛版打響頭炮；今周繼續追捧參戰西盃球隊「對家」，維爾瓦主場硬淨，可挫基達菲，平手盤可早捧。
數數手指，今仗已經係基達菲近兩個星期第5場比賽，以一支中型班絕對不易應付；特別基達菲今季由米高勞特立領軍，明顯要立功，西班牙盃都唔放過；前仗基達菲博到補時先贏西維爾，周三西盃8強首回合繼續強陣，好似巴拿里奧、廸拿列特、比蘭古亞等主力先打足，結果一球險勝馬略卡，走勢睇嚟已經放緩。
維爾瓦西班牙盃已出局，可專心應付今仗；而維爾瓦近期一改單靠龐高尼「食糊」毛病，查維古里路、卡梅拿斯都入波，近6場主場3勝3和；今仗主隊後衞保遜停賽復出，南部主場亦有威力，有望擊退「腳仔軟」嘅基達菲，今仗平手盤主隊低水，臨場隨時轉讓平/半，早捧維爾瓦有着數。文：牽牛
西甲
讓球：星期日22維爾瓦（平）